عجيب ياقلبي وعجبتك دوبك

ماشوف علم ٍجايزاً لك و معجبك

ياقلب حاسبني وحاسب ذنوبك

ماادري بخلان الرخاوش مرغبك

وش ولعك في ناس ماقلدوبك

ولاثمنوا حقك وقاموا بواجبك

ربعاً يذريهاالذرى عن هبوبك

خسران لوتشكي عليهم مصايبك

ان كان ماتلمس يدينك جيوبك

في ذمتي مامنهم اللي يصاحبك

وان حصلوا مقصودهم ربعوبك

سووا لك الخط الزلق لين يقلبك

وعندالنهايه برقوا وضحكوا بك

كم من ضحوك ٍيستغيبك ويشذبك

اليوم صدقانك وباكرحكوا بك

وبعدالرجا منهم تكدرمشاربك

هراجة المجلس ليامالقوا بك

شياً يقولونه حداهم تنكبك

ومالوبسوق المهزله ونزلوا بك

ضعاف العقول اللي تسولف على الدبك

يحكي بك اللي عاجزاً عن دروبك

لافاعل ٍفعلك ولاهومجنبك