انكسر حلمي الليله على اخر مداه

والمواجع لها ابواب حبر وورق

للهوى كنت اضحي والمشاعر فداه

لين ركن المحبه فالخفوق احترق

من هو اللي سرق نومي وجرحي بداه

من هو اللي تركني للتعب والأرق

الحبيب انتظرته قلت ابسمع نداه

بس صوته نساني للأذن ما طرق

ما وصل صوت خلي كيف ابسمع صداه

يمكن يكون فالنسيان طاح وغرق

الهواوي بليله يا ترى وش جداه

كل ما طاح نجم يشوف نجمٍ شرق

(شاشة الكمبيوتر اصبحت لي أداه)

يوم صارت دموعي تستبيح الورق