من رموشك في خفوقي طعنتين وحربة

الله يجازي رموشك والهدب وحرابك

والله إني ماتوقعت أنحني من ضربة

لين قالت لي رموشك : جيت والله جابك

كنت عايش قبل أشوفك في ظلام وغربة

صدقيني قبل أعرفك كنت ألوم غيابك

يوم جيتيني وكانت نظرتك مضطربة

ضعت مابين النقاب ومشيتك وأطيابك

فاتنة في كل شي وفوق هذا ذربة

كاملة والكامل إللي خصّني بإعجابك

فدوة عيونك حياتي لوتروح بشربة

هي كذا وإلا كذا أموت بك وأحيابك

إستحلّي شرق صدري وإن بغيتي غربة

أسسي دولة غرام ورشّحي نوّابك

أرحبي والقلب بيتك سهلتين وقربة

علّقي من فوق ضلعي شيلتك وحجابك