الكره جرح ٍ والمحبه علاجه

واللي يحب مره ولاعاد يكره

والرجل تمشي كان للقلب حاجه

والعمر مهما طال تاليه سكره

والمؤمن الاسلام فلة حجاجه

ماهمه الشيطان لو سل مكره

والكافره روحه تخاف المواجه

متشتت ٍ بين الهواجيس فكره

المؤمن السلطان والدين تاجه

ياكثر حساده ليا حل ذكره

والكسر يجبر كان ماهو زجاجه

واليوم يشكي من نهاره لبكره

بين الركود لخافقي وارتجاجه

للزله ابليس ٍ تربص بوكره

أثر الجسم ظلمه وقلبي سراجه

واثر البصر يستاهل ان ( غض ) شكره

ماكل من مر أزرق القلب هاجه

ولاكل فكره تقدر تشيل فكره

ماكل جرح ٍ بالمحبه علاجه

ولاكل منهو حب ماعاد يكره