أتعبت أشيل الجرح وأتعبت أخافه

وإن جيت أبكتب قلت : وش ذنب الأوراق

يامفارقه حذراك مدّ المسافه

لمواصلك عمري على ضحك وخناق

دامك رضيتي الجرح لي واحسافه

على خفوقٍ مايبي فراق بفراق

يكفيني من بعدك وسوم النحافه

ويكفيك من قربي لزلاتك رواق

دام الألم جرحك أحبه وأخافه

وش عاد لو شلته معي خوف وعناق

واليا ذكرته جرح كلي أعافه

ولا جيت أبرمي الجرح لعيونك أشتاق

ياليت للإنسان عنق الزرافه

صرنا نميز طيبنا بطول الأعناق

دام آخر الفرسان أصبح خرافه

ودك يثمن كلمته وسط الأعماق