قالت وش اخر ماكتبت من الابيات

مبطي ولاسمعتني من جديدك

أي شي سمعني ولو بعض كلمات

أرخ الحبل للشمس واعسف جليدك

لامن طرالي( تلغي الشعر مرات )

أتذكرك .. واجوع واشبع واعيدك

واموت بك .. واحياك .. ياحي من مات

يامضيعٍ عشبي بغابة بعيدك

كن البحر صدرك والابيات موجات

كل كلمةٍ تجتث.. قلبي لأيدك

ياما ارتمى رمشي بأوراقك وبات

وياما هبوبي حك متنه جريدك

هزهزني لحظه..لحظتينٍ..ولحظات

خذموتتي بك .. حشرجه في وريدك

ابغاها .. والاخلها كيف ماجات

ذوب سهولة ضحكتي في شديدك

فصلني فيها ( لاختصار المسافات )

خل المسافه تختصرني لقيدك

مشتاقةٍ اسمع ولوبعض الابيات

يامطول الغيبه وحشني