قمت اشوفك يالغضي بكل الاماكن

طيفك الجذاب مايبخل علي

لو تجيني بالمسا والليل داكن

نور وجهك يقلب الظلمات ضي

يوم غيري صاح وعيونه تباكن

ماشكيت الحال وانت تحس في

لو تبي عيني حشا ماقلت لكن

تحت امرك يالغضي هذي وذي

من عرفتك دايمٍ والجو ساكن

عن سموم القيض والاهوب في

مذكر ان عروق شرياني تشاكن

كيف ابشكي وانت يالمجمول لي

والله انك داخل الخفاق ساكن

من عرفتك وانت عندي كل شي

كل ماغنى ابو نوره الاماكن

انت والله بس من يطري علي