مهما تدق تلقى التلفون مغلق

مسكّره من سبتك ياناني

مدري شتبي فيني ؟ وانا كل مادق

امّا طلع مشغول او خط ثاني

هذي حقيقه وانت ماتجهل الحق

خلاص بطّل لا تدق يسمراني ؟

انت تعرف خالد ونايف ومطلق

وسعود ومشاري وعادل وهاني

من كثرهم شكلك كذا ماتلحّق

امّا يدق فلان والاّ فلاني ؟

مشغل تلفونك على طول تقرق

واللي يقول اغليك واللّي يعاني

شلون تبغاني احاتيك واشفق

عليك وانت اللي قتلت الاماني

لا تعتذر خلاص بطّلت اصدق

حتى لو انّك قلت تكفى عشاني

ياكثر ماقلت ابتوب وارجع ادق ؟

والمشكله القى معك خط ثاني