لا تلد العين يمي يامليح

العيون السود للعاشق عنا

من تناظرني بعينك رحت ميح

عند عينك ياحبيبي وييش انا

القصايد في وصوفك تستريح

وش تساوي عند خصرك لنثنى

ولا انته ابمحتاج يالغالي مديح

في ثغرك الزين برك وانحنى

لو شهدك اييسيح بالكون الفسيح

صارت الدنيا طواريق وغنا

الله اكبر ماحسبتك هاب ريح

ماعلى السانك سوى هيا بنا

واحزم ضلوعي وعذالي تصيح

واطلق حجاجي تباشير وهنا

اعترف عيسى ولد مريم مسييح

واعترف بيتك ومنزالك هنا

دون شوفك منكسر قلب وجريح

ودون شوفي تصبح ايامك فنا

بالنهايه مايصح الا الصحيح

المحبه ماتبا الا انتا وانا