ازعل على كل البشر الا انت ماازعل عليك

حتّى ولو منك الخطا ماتنّسى جمايلك

فوق الخطا ياصاحبي من دون مااشعر اجيك

وجايب معي بوكيه ورد استسمحك واحايلك

انا واحاسيس الهوى والشوق يالمترف نبيك

كلٍ يبي ايطولك وانا غصبٍ عليهم طايلك

اموت من دونك واذا شفتك اروح اموت فيك

ومابين جينات الدما وعروق قلبي شايلك

تكفى طلبتك خلني مابين جمرة شفتيك

واذا حرقتني شفتك انفض علي جدايلك

ومابين خصرك لا انثنى قدمي وسلهامة عيينك

تكفي عليّه خصلتين اشوف من خصايلك

ياذرب ياتكييت ياجنتل يامتميّز ياشييك

ياللي بنات الهاي هاي ايقلدوون استايلك

ولا هلّت مزون الحيا والجو غيّم يامليك

على مشارف قوس قزح اتخيلك واخايلك

من وين مالديت عيني يالغضي تنظر اليك

وحتى تلفوني مايستقبل سوى رسايلك

ايوّووه ياكل الغلا اقسم قسم مالك شريك

نام وتطمّن والولا لا تستشك ولاي لك

ياليت ربي في غرامي لو دقيقه يبتليك

واعلمك كيف القسا وفعل مثل فعايلك

وسهّرك واتعّبك وان رحت ترفع حاجبيك

اقول لك طبق الاصل عمايلي عمايلك

ان جيتني مشكور والرحمن يرحم والديك

تعال في قلبي ونوّخ في الحشا رحايلك

ولا تعتذر وتقول لي مبطي وانا ادوّر عليك

تلقى رقم موبايلي موجود في مبايلك

ارفع تلفونك ودق وقول ياتركي ابيك

واقول سكّر ياحلو دقيقتين وجايلك

واجيك وآمدّلك يديني وانته اتّمد لي يديك

وتقعد تحايلني على اللي صار وانا احايلك