يارفيق الدرب تكفى لا تضايق في زمانك

ولا تهمك هرجة الهافي وطعناة القفياّ

كل مابرقّت عالي مالمحت الا مكانك

ويش جاب اهل الثرى يامسندي عند الثريّا

ماعليك امن الكلام ومعتلي قدرك وشانك

ماينزّل هامتك هذا ولا ضني هذياّ

اتضايق من يجيب اسمك ويشككّ في بطانك

وينفجر شريان دمي مثل تفجير المحياّ

لانّك كحيلان طيب ووقفتك تثبت كيانك

دون ربعك ياسليل المجد تنخى وتهياّ

كل ماضاقت عليّه مذكر اني قلت وانك

دايمٍ عندي هناك ودايمٍ عندي هنياّ

جعلني ماذوق حزنك وعتبرني من اخوانك

وحطّني دايم على يمناك ياسمح المحيّا

بالرخا مانيب حولك بس بالشدّه اوزانك

وقتها لو اتعذّر راسي المطنوخ عياّ

والله انك لو تجيني شايش وراكب حصانك

ماعلى السانك سوى حوض المنايا قلت هيّا

ابشر بعزّك تمنّى قول لايردك السانك

المطيري عند وجهك بالملاقى والحميّا

اتِمَسّك في عناني واتمسّك في عنانك

واتفياّ في ضلالك وانت بضلالي اتفياّ

افزع المثلك كذياّ حتى لو عشرك ثمانك

من غلاتك يارفيق الدرب افزعلك كذياّ

بس اانا طالبك تكفى لا تضايق في زمانك

ماعليك امن الثرى يبقى مكانك بالثرياّ