وين انت عجل تعبت اخايل مزونك

ثاني شهر واتحرى هل هتانك

لوكان شفت الغلا بعيون مفتونك

ماغبت حتى دقيقه بعين خلانك

احترت بين الجفا والصد وطعونك

بلاش يموت الهوى بسباب هجرانك

مالي جدا كود اسامر جرة لحونك

الين ماسمي الديوان ديوانك ؟

اقبل تمشى على هونك على هونك

بشويش لا يقعد من النوم شيطانك

ماتدري ان الغلا خلفك ومن دونك

ايووووه كانك جهلته يادلع كانك

افرح ليامن علينا مالت غصونك

وافرش ورود الغلا والقلب بستانك

شهرين عقب البطا ماكني بكونك

تعال سيل مداهيلك وقيعانك

مشتاق بلحيل لعيونك ولجفونك

نظرة عيونك تبلل ريق ضميانك

ماهي غريبه تموت الناس بعيونك

بس الغريبه اوادم تجهل اعيانك

سولف فديتك ابسمع كلمة شلونك

ماتدري ان السوالف غير بلسانك

كلك حلا والحلا واحد من فنونك

كلك بلا والبلا ( تينك ورمانك)

ايه اتباهى واقول ان القمر لونك

ومصدر شعاعه حبيبي بين حجانك

كذا........غلاتك من الله ثير مجنونك

وانا لك الله لهز عروق وجدانك

والشعر كانه يهمك جاك لعيونك

لابو قصيدٍ تردى فيك ماصانك

وكان القصايد ترد احساس مفتومك

اصير شاعر غزل كله على شانك

وابشر بقلبٍ على طول المدى ايصونك

لو خانت الناس يموت القلب ماخانك