خلاص انسى غرامك حل عن عيني

لابو غرام مع العشاق مايرقى

مليت اناجي طيوفك وانت ناسيني

تعبت والا انت لاتتعب ولا تشقى

محبتك عفتها لاتنشغل فيني

مهما تسوي قسم بالله ماتبقى

لاتذكر اسمي على السانك وتطريني

دور بدالي وانا اتحداك اذا تلقى

الفرق واضح حبيبي بينك وبيني

الارض ماتستوي عند السما الزرقا

ماعدت اصدق كلامك يامعنيني

كذاب واهل الهوى في كذبهم غرقى

كنت اجمل ايام عمري واجمل سنيني

كنت الوله والشجن لا ناحت الورقى

ان كان ودك تجي بعطيك حليني

اختار ياصاحبي الفرقا او الفرقا

ملعون جد الغلا كانه ينسيني

سلوم ربعي سوات الجادل الطرقى

خلاص انسى رجوعك طحت من عيني

ماتدري ان المطر لاطاح مايرقى