يامالكٍ كل الحلا ليه السفر

طري السفر كنه هلاك اقتادني

شوق وغلا واحساس مامنه مفر

الله وكيلك ذا غيابك بادني

يفداك من عندي كذا ( ضابط خفر )

وقت السفر وموادعك مافادني

الصد واسبابه على العاشق كفر

علمته اسلوب الجفا ثم جادني

ايه اعترفله باالغلا حبه طفر

وانا لك الله اعشقه من عادني

اخر نتيجه بيننا عشره صفر

سيطر على كل الحشا ثم سادني

طيفه يخايلني نفر نفر نفر

من وين مالديت طيفه صادني

كيكة حلا باالمختصر اشقر عفر

من سبته ابن الملوح نادني

زودٍ على كل الحلا شوية ظفر

جعلى فدا زولٍ غرامه قادني

يقتادني لدروب لاماها قفر

واصبر على ضيمه وصبري زادني

اطلب من الله ردته وانه ايغفر

ذنبٍ جنته الروح لين اعتادني

القلب بعده من سفر اليا سفر

اشهد شهادة حق انه بادني