قابل تشوف العين كشف البروقي

فا اللبه اللي شمسها في شفقها

وموج الشعر بشعاع شمس الشروقي

والغره اللي تصطفق من طفقها

يلعب بها النسناس ويزيد شوقي

ومن وين ماهب الهوا لك فرقها

إن كان لي حق فعطني حقوقي

ولا تقول اليوم خذها وذقها

ياللي مكانك بين عيني وموقي

محاجري فيض المدامع غرقها

إن كانها في الحب قلة وفوقي

شكيت حالي منك للي خلقها

وشابت على أنغام القوافي طروقي

وغصون حبي حت منها ورقها

في ذمتك حبي وشوقي وذوقي

وأنا محب رغبته بك نطقها