سولف معي معك الحكي ليته أبد ماينتهي

تبي الحقيقه سالفتك أحلى كلام أسمعه

آمر وأنفذ بس عني لاتسج وتلتهي

إلا بشعر الغره اللي لاتنثر تجمعه

والعاتق اللي كلما تسهى وشالك به سهي

ارعى البروق اللي تقاشف في مشارق مطلعه

وعيونك اللي شقوتي تقول والله منها هي

فيها السحر منها الغلا عيت عيوني تشبعه

فيك البها فيك الجمال اللي خذا عقلي بهي

يتبعك قلبي بالغلا لك قد ما أقدر واتبعه

خذني غلا خذني وفا خذني على ماتشتهي

القلب حبك ما أستطعت أعيش دونك وأمنعه

بين الأمر ياصاحبي تترك حبيبك والنهي

وعنه المواصل والوصل من دون ذنب تقطعه

وهو محب صادق مايقبل العذر الوهي

يرفع غلاك وما غلا بالحب واجب ترفعه