اجمع الشوق وانثر منه شيء قليل

في عيون تشوفك ياحبيبي ملاك

مادريت إن قلبي في غرامك يميل

لين شفت الصبايا تحترق في سناك

للهوى منك هم ياحبيبي طويل

والله اللي رمى قلبي بحومة غلاك

كل مايفعل أجمل خلق ربي جميل

لا تعذب مود مشفي في هواك

والله إني من الفرقا وصدك عليل

وأكثر جروحي روحي كلها من جفاك

في عيوني عذاب شاهد بالدليل

ألطف بحالة اللي باعهم وإشتراك

مارضى القلب غيرك بالمحبة بديل

ولع الله قلب ميت في رضاك

بين هم خفيف وبين هم ثقيل

اترجى وصالك وأحترق في رجاك