صار لك مدة قطعت الوصل عنا

شالذي غيرك يالغالي علينا ؟

يعل ما كدرك شي صار منا

السموحه كان في حقك خطينا

لو ترانا ما نغزك ما سألنا

إنته غالي عرفناك وبدينا

الصديق إذا بعد عنا محنا

خص كانه صاحب منا وفينا

نطلب الله نكون في بالك خطرنا

وإتذكر سالف أياك السنينا

يا صديق العمر كان الله جمعنا

وإنكتب في يوم نتلاقا وتينا

راح تعرف لو ظروفك فرقتنا

الصداقة تجمع قلوب الثنينا

ما عليك .. ترى العذول يخيب ظنا

لا تصدق في كلام الحاسدينا

يا صديق العمر والله ما انتمنا

نفترق بسباب قول العاذلينا

إرجع .. إحنا الشوق فينا ذابحنا

يعلم الله في غيابك ما سلينا