على الأقل إحنا عرب ما أنتغير

عاداتنا في كل لحوال وافين

نرضى بمقسوم لنا ما أنتخير

واللي عطانا ربنا فيه راضين

ما غرنا شكل جميل ومظهر

ولا ما نطاوع كل ما يعجب العين

صحيح نعشق وكل مخلوق يجبر

في الحب من هو ما يحب المزايين ؟

لكن فرق إمبين ناس إتمظهر

وما بين ناس إن عطوا الحب صافين

ياللي تقول إنا على البعد نصبر

هذي سنه ويا كيف لو مرت إسنين؟

راح إتذكر وإتذكر وتذكر

نبيع من هو باعنا وهوب شارين

نخسر ولا إحنا أول الناس نخسر

ولا هي قضيه لو خسرنا المجفين

المشكله لي صار لنسان ينكر

ولا عاد له من ما مضى له براهين

والمشكله لكبر إذا قام يهجر

وهو يدعي بالحب مثل المحبين