احرموني منك وأنت اللي رضيت

يا خسارة كيف صدقت الدعاوي

ما ألومك لو على قلبي مشيت

أعذرك وأنساك بعد اليوم ناوي

أوعدك وعدٍ على عمري قضيت

صوب دارك ما خطت رجلي خطاوي

بس يكفي كم لمحت وطريت

وانتظر لحظة قرار منك ياوي

لا خبر جاني ولا عطف لقيت

عاشق للصمت يالمظنون هاوي

لا تآخذني إذا عنك جفيت

العذر منك وأنا للصبر قاوي

عزتي ما أذلها يوم ورجيت

غير للي رافع السبع السماوي

لو أكونلي من العرشان بيت

مستعد أعيش في الصحرا خلاوي

كل حب ينمحي من دون صيت

وهوب شرط الدرب لي تمشيه ضاوي

الهوى ما يسلك الحب الشتيت

لازم العشاق تمشي بالتساوي

لا يغرك من نطق كلمة فديت

عند حزات الفدا يصبح مراوي

لك بيوت الشعر غنيت ونشيت

يعل وقتك دايم يبقى صفاوي