راح تعرف أن حبي مع مرور الوقت صايب

راح تعرف في النهاية ما حد يعوض مكاني

راح يكشف لك زمانك من هو اللي كان طايب

ومن هو اللي لجل خله عاند ضروف الزماني

هذي الدنيا غربيه .. صعب تلقى لك حبايب

قلتها لك مالبداية صعب يوفي لك أناني

من يضيع وقت غيره ولا يضحي في الصعايب

كيف يثبت لك وجوده كيف تعطيه الأماني ؟

إختلاف الرأي يحصل كل شي وله سبايب

والمحبة درب واضح من عشق لازم يعاني

وطبعها لحباب تبقى عالوفا وقت النوايب

والمحب يصون خله ما رضى فيه الهواني

شفت عشرة غرامك يا هوى غيري عجايب

تنفعل لحظة وجودي وتغير في ثواني

إنت في طبعك مزاجي تعصف بقلبك هبايب

منشغل قصدك تلاقي من هو يعوض مكاني