حبيبي ريح أفكارك ترى بعض الشكوك أوهام

حبيبي مستواك أكبر وحرام يكون تفكيرك

تصدق بي كلام الناس بعد عشرة دهر وأعوام

تباني أحلف بربي ولا فكرت في غيرك ؟

أنا أدري هذي الغيرة واعذرك صدق ما تنلام

ولكن يا عشيري كيف تحسسني بتقصيرك

أنا ما غرني وقتي ولا غرتني الأيام

أنا طبعي مثل لول مثل ما كان تصويرك

كفا ، عين من الله خير تعال وفي عيونك نام

تعال وعايش أيامي على موال تعبيرك

أشوفك بس فحلامي عسى الله يكثر الأحلام

ولكن لا تخلي الوقت يبين فيك تغييرك

حرام إنضيع أيام قضيناها بمرح وأنعام

حرام فؤادك الطيب يتابع شك تفكيرك