هنا طفلٍ تلحف بالظلام
ونام من بدري
يشد اطراف روحه
للفضا العاري
وانا داري
يقول ان المسا
ضيقة فراغ وشمس
مايدري عن اخباري
عن اللي....
لو نزف بعضه بعض بعضه
طمس كله
عن اللي لا عجز متنه
رمى حمله على ظله
عن اللي لو يغني للمطر
ياليل دن دانه
تذكر بنت جيرانه
وهي تمشي على حد البحر
تبني من رماله قصر ينهد
ترمي حلمها في الما تنادي
لا وقفت ف ركن زحمة
تلبس ايدينك جيوبك
تفضح جيوبك عيوبك
علق انفاسك على حبل ارتحالك
لا تقول الصمت رحمه
وان قصر فهمك لنفسك
حط تحتك خط وامش
لا تبالي
ثوبك البالي
ما دامه من ثياب الريف
تبقى دوم غالي
لا تبالي
يا صباحي
يالبياض اللي تمرغ في جراحي
طرفك المارد يرف
وجهك البارد تدلى
من شبابيك الترف للرف
وانت تبحث داخلك عن خارجك
ساكن الخطوات داكن
داكن التعبير ماكن
وآه آه
آه ياكثر اعوجاجك
لا وقف فجر المدينه
في الدكاكين الحزينه
مثل متسوّل تجوّل
ينسج الحلوى كتاب
ينكسر في كل باب
كلما الجدران صدت عنه
والبايع يقول: الله كريم ..