كان ليل وكنت لي أحلى الاماني

شاعرٍ ف بحور شعره شاف دانه

وامطرت فوق الورق غيمة حناني

وابتسم وجه الربيع وقحويانه

كنت غارق وارسم عيونك مواني

في ظلامٍ غاب عني شمعدانه

واتحرى للوعد بين الثواني

وانتظر وقت الحضور ومهرجانه

لاتقول انه يجيبك يوم ثاني

مابقى للقلب صبرٍ في مكانه

كن دقاته مشاريه المحاني

للغياب اللي متى يمطر حنانه

واهتني في شوفتك يامودماني

وارتوي هيل الحديث وزعفرانه

وانشدك عن صبحك اللي ما عطاني

من سوالف بارد الجمر وثمانه

وانشدك عن ليلك اللي ماضواني

وين حده من حدود الخيزرانه

واكتبك واهديك لحروف المعاني

لين اشوف اني معك شاعر زمانه