ياكثر الأيام دونك والمسافات

ما فات منها ولايوم ومسافه

جيت النهار ولقيته عقبك اشتات

وعودت لليل واليا الليل تافه

اول فراقك حنين وصبر وسكات

واخر فراقك طريقٍ قمت أخافه

ان جيت يامرحبا والعمر مافات

وان رحت قلت انطوى عمري حسافه

مرت ابشوفي عيون00وسمعي اصوات

واقول ما قبل ذاك ولا خلافه

ننسى ليالي00 ولكن نذكراوقات

فجر وحديثٍ غرقنا في ضفافه

ماكان بدروبنا غير المسرات

عشقٍ شربنا العذوبه من عفافه

يوم اني اعطيك ما كد قلت لك هات

واقول بيت القصيده وانت قافه

جيت المداهيل عقبك عشر مرات

مليت وانا اجمع الورد لجفافه

عود وخل الليالي والمسافات

ابيك لو بس وقفه وانحرافه