الله يحييك من قلبي ليا عيني

هذي مداهيلك اللي ما انت جاهلها

كانك تجاهلتني ضاعت عناويني

وان جيتني جتني سنيني من اولها

ما شحت سنين عمري وانت بيدني

الله على ايامها ما اكثر جمايلها

ياوحشة العمر يافرحة ثلاثيني

ما هي حسوفه ليا صرت انت ساحلها

لا جابك الشوق يازينك ويازيني

وش هي نجوم الثريا في منازلها

امد لك لهفة اليمني وتعطيني

يمناك والشوق ينبت بين اناملها

وين انت عني وانا وان قلت لي ويني

جارت علي السنين وقمت اجاملها

ابعث هشيم القلوب ولا توصيني

احي الليالي عقب لاماك واشعلها

ما فز ورد المشاعر بينك وبيني

للحب باقي علومٍ مانت قايلها