قولوا لها اللـي تواصلني وتقطعني

اما تواصل او القطعه هي القطعه

ماتذكر اشصار .. والا ناسيه يعني

من قال منا أنا رايح بلا رجعه

والحين لو جيت ابارجع وش يرجعني

ما دام قالت باروح وقلت للقلعه

قولوا لها ان كان ما عادت تتابعني

باقي على خبرها والسمعه والسمعه

لاتقول (سبعان).. وش عندك تسمعني

حنا ترى ربع .. ما ابغى منها ربعه

ما ني بكاظم الا حبت تسمعني

ولا ني بنغمه على جوالها (الدمعه)

صحيح (سبعان) بشفاها تلوعني

بنت الذين تقول البنت مرتفعه

اتمدها لين تاخذني وتوجعني

سبعان .. واقول وش تبغين يا ورعه!

والحين ما عادني سبعانها المعني

ولا عاد حتى (علي) منها تجي سنعه

راحت عليها .. تجي بكره تراجعني

بعض القصايد تجي ما تلحق الطبعه

لا تقول (سبعان) أصلا وش مسبّعني

الا انها تحبني سبعه على سبعه

اسبوع توله علي واسبوع تقطعني

تزعلني السبت وتصالحني الجمعه

والحين تبغاني ارجع وش يرجعني

وحياة غنج الشفاه وفتنة اللمعه

لا اقطّع.. قليبها .. قبل ان يقطعني

واعد.. قطعه ورا قطعه ورا قطعه

ما عاد فيها كذا والا كذا يعني

انا كذا مقتنع والبنت مقتنعه

الله يقطع سوالفها ويقطعني

ان كنت صادق بهالتهديد والقطعه