سلّم على (ابها).. بس سلّم من بعيد

خُبري بها تقبل سلام الحياوي

والله لوّ انّك (نجاح المساعيد)

لاقول حِبّ اخدودها يا النداوي

لكن.. عليها اغار متلوعة الجِيد

والاّ ادري انْها فوق كل الهقاوي

إن رحْت عنها قيل: (جافي وعربيد)

وان جيت قالوا: (جاك راع القهاوي)

وانا كذا: عبد الوطن سيّد القيد

شاعر وطن لكن خلاوي خلاوي

(قَيس السهل) ذيب الجبل (عنتر الحيد)

أحبّ واجرح بالمحبه واداوي

سلّم على الشيبان سلّم على البِيد

اللي ثراها تاج قلب الهواوي

سلّم على خشوم الشِلَف والبواريد

اللي حمَتْها من غوى كل غاوي

سلّم على من شفت إلاّ على الغِيد

للغِيد انا عندي سلام وحكاوي

ما تذكرِن يا الغِيد صَبي ٍ من (مْغيد) (1)

ودّع ديار (مْغيد) واقفى جلاوي

ما تذكرن رَجلٍ من العيد للعيد

يلفي سحاوي لين يقفي سحاوي

هذا أنا .. منّي (شدا) (2) المعتلي شِيد

هذا أنا فيني تحزّا الحزاوي

هذا أنا.. متغرّب وصَبّ وبعيد

(ملكت الارض وراس مالي) غناوي!

(1)بني مغيد: قبيلة الشاعر (2) قصر تاريخي في مدينة أبها