اتعنّى لك ولا احسّ بعناي

ألف ميل اتصير لاجلك نص خطوه

واتهنّى معْك حتى في شقاي

كل جرح ٍ منك له في القلب نشوه

لى بغيت آجيك تسبقني خطاي

وان بغيت آروح شفت الشبر عنوه

واعتذر لك قبل ما يبدر خطاي

واشعر ان العذر حتى العذر هفوه

مستحيل انسى او اقسى يا هواي

أي نسيان ٍ حبيبي واي قسوه

وانت يا روحي بعد كل اقرباي

ما بقى للقلب غيرك انت عزوه

كن صوتك لى همست لحون ناي

أو وتر عود ٍ يقسم قبل غنوه

والوصايف بك تكمّل يا مناي

بابتسامه ساحره وعيون حلوه

من عطاه الله مثلك يا مناي

لو دفع عمره من اجل رضاك فدوه