تصدقين اني عرفت السالفة قبل تحكين

لكن تصنعت الرضا لين تحكين السالفه

جيتي وبعيونك قريت انك نويتي ترحلين

كنك على نقض الجروح اللي تشافت حالفه

فعلا قدرتي نقضها والله على الفرقا يعين

قلب الحنين اللي معك حظ الشقا ما حالفه

ما عاد باقي للغلا دمعه ولا للدمع عين

نضحك على انفسنا اذاقلنا الظروف مصالفه

من غيرتي..من حيرتي والشك لا تستغربين

استغربي من بعدنا وقلوبنا متوالفه

اخطيت احسب اني معك بقطع مشاوير السنين

واثر الطريق يضمنا بس الخطى متخالفه

لا للوفا..لا للغلا..لا للرضا..لا للحنين

لا للدموع اللي تبي تسقي العروق التالفه

انا هويت ومادريت ان الهوى طفل حزين

بكى من اول ما حكى..ماتم كل السالفه