لك ساعتين وخاطرك ما صفالي

ليت الشعر يرتاح من شرهة ايديك

ترى السؤال اللي بعينك سؤالي

كم قلتلك ما اخترت حبك وطاريك

جيت بحياتي مثل عمي وخالي

ما اخترتهم واغليتهم مثل ما اغليك

كنك بعمري قبل لالقاك غالي

قدام لاشوفك واعرفك واحاكيك

يافرحتي بين الزعل والليالي

باي الكلام استاذنك فيه وارجيك

والله لو تدري وش اللي طرالي

ما تصد عني لحظة يوم اناديك

ما غير انا وياك وش فيك سالي

كانه على النسيان ماني بناسيك

اقول لك شيء وتقطع وصالي

واقول لك شيء وتزعل واراضيك

تعال مره بس مرة بدالي

وتقول ساعدني واسافر واخليك