لا تاخذيني بالحكي هدي شوي

ما هو بكيفي فيه شي بقوله

يا منتهى اللحضات وبداية الفي

رضاك وحده منهو اللي ينوله

كن الظنون خيول وارسانها يدي

في غيبتك عن كل شي جفوله

وش ينقصك لو صرتي الشمس والفي

ما ينقصك لكن طبعك عجوله

تجملي في خافقي دامني حي

لا مات مالك بالمحبه بطوله

تدرين حتى القلب ما عاد هو في

عهدي بقلبي يوم ضحك الطفوله

تمتعي بالجرح والنار والكي

تمتعي بالحال عرضه وطوله

وتعذري قولي خطأ قولي اي شي

قولي زعلتي قولي انك خجوله

لي كل شي الا الردى ما هو بلي

يغنيني الله عن رضاه وقبوله

وتطمني لو قالو الناس من هي

من يعرف اسمك ما يتجرى يقوله