عجيبة في الرخا واللين خلان

ويوم ان الزمن اقفى جفوني

وظنيت المحبه مالها اثمان

ولكن للاسف خابت ظنوني

انا كل العطا ورد وبستان

وحين من الظما جفت غصوني

وشلتك في عيوني بين الاجفان

وجزا احساني تبكيها عيوني

وحسبتك لي ذخر لين الزمن شان

لقيتك اول اللي فارقوني

جزا الله الشدايد كل الاحسان

عدوي من صديقي عرفوني

وقلبي في بعدهم ما هو بخسران

عبيد المصلحه ما يكسروني

انا بنهض وهذي الدنيا ميدان

وعلى كبوه جوادي يمهلوني