ياحمد هذي فرسكم

اتساما للنجم

عارفه خيالها انه

فارس ٍِ حر ٍ شهم

دامنا بظلك ملكنا

مانشيل بيوم هم

كل مواسمنا ربيع

ودايم ٍ غيثك وسم

نهضة ٍ وبفكر راقي

أصبحت نور ٍ يعم

وبزمن فعل ٍ قياسي

حلم هذا ولا علم ؟

من طموحاتك عرفنا

كيف نقوى بالعزم

نهوى صعبات المعالي

ونعتلي روس القمم

هذي بحرين المحبة

وقادها بحور الكرم

ذا حمدنا به نفاخر

والله ألفين ونعم

أدهش التاريخ عهدك

حيّره ثم ابتسم

يكتب امجادك حروف ٍ

ولايعزفها نغم