واطيري اللي صار موته غبينه

تفريط موته والسبايب مريخان

ذبّاح ماشافت على القاع عينه

جزام مايكفخ على غير برهان

وصايفه من كل الأطراف زينه

ماقلت به لولا ولا قلت نقصان

قطعيةٍ حرشاء قطوعٍ متينه

شرق ووصايفها تواصيف شيهان

عوق النفيج ان صار بأرضٍ حصينه

اللي مزابنها خمايل وشعبان

لا صفّحت عنها التبوع المهينه

وباهت سلقها والقصص بأرض قيعان

والخرب منها مايفكه خزينه

مضرابها مع غاربه بين الامتان