وين ألاقيك...
يا المسافر في عيوني
وصرت لي قلبي الشريك
يا الموهّط في الدواخل
منتظر لحظة مجيك
داير أضمك بي رحابة
ومن هجير الحر أضاريك
فجري بشرق من عيونك
تبسم اللحظة وأباريك
السما بتهديك نجوما
وتعزف القمرة المزازيك
والبنيات في الحواري
ليكا بتدق الدلاليك
وين أراضيك؟
الورود عنك بتسأل
وديمة تحلم لو تلاقيك
والضفاف في النيل بتزعل
إلا لو دايماً تماسيك
يبلع الموج ريقو مرة
ويجرف الساس والمداميك
والقصائد في الدفاتر
جوة في بطن الدفاتر
تستعيد أيامنا ديك
وين ألاقيك
حس غنيواتي الحزين
اتجددت أحزانو بيك
فيني شوقك كم تجدد
هل تجدد شوقي فيك؟
فيني شوقك كم تدفق
خش بالباب والشبابيك
حلمي دايماً إنت ترجع
موعدك يصبح وشيك
وين ألاقيك
وإنت ناسي الناس أتاريك
وين ألاقيك؟