دلنا للخير عقب الكفر صرنا مسلمينا

بعد ما كان الجهل بعقولنا فارش حصيره

شع نور الحق في آيات قرآنٍ مبينا

أنزله رب السما رحمه وتقوى من سعيره

عزنا الاسلام يوم الله هدانا واهتدينا

ما لنا لا عز لا قيمه ولا رفعه بغيره

عزنا الله يوم بيته نحتويه ويحتوينا

والمشاعر بيننا ياتو لها من كل ديره

سخر المولى لبيته الرجال الصالحينا

يخدموه ويحرسوه ويحفظوا حِجره وبيره

اختيار الله لهم من بين كل العالمينا

ذا دليل انهم على كل العرب والناس خيره

اتحدنا واجتمعنا ولّا كنا امفرَقينا

قبل ابوتركي وحكمه كنا في عيشه مريره

اسألوا الاجداد تدروا كيف كانوا عايشينا

في جهل مقذع وفي غارات والقمه عسيره

بعد حكم آل السعود وتحت رايته اعتلينا

في سما الامجاد والخيرات والدنيا مطيره

الفضل يرجع لهم والله محنا منكرينا

من نكر معروفهم خاين بلا نخوه وغيره

يا وطنا لا يهمك هرج كل الحاقدينا

ما يزعزع حبنا لك كل ابو فكره حقيره

لحمنا من خير أرضك يا بلاد الآمنينا

ما جحدنا ولا نكرنا في العلن ولا السريره

يا وطنا دونك ابطالٍ يردوا الطامعينا

عاشوا احفاد المثنى وبن الازور والمغيره

مملكتنا مملكتنا نقسم ونحلف يمينا

نبذل الارواح لجلك وانتي في أمنك قريره