طالع فعيني وشوف احساسي فعيني
ترجمني بصمت واقرا كل ما فيني
صفحة عمري قصايد حب مكتوبه
كل التفاصيل فيها بينك وبيني
عمار حبك كتبني لك ويكتبني
وبسكر احساسك احساسي يذوبني
حبيتني لين كل شيء فيك حببني
من نبض قلبك لاخر نظره فعيني
اسقيتني العشق حتى ابتلت عروقي
وتعلم الشوق من شوقك ومن شوقي
تهديني الورد واهديلك على ذوقي
ورد شرب من غرامك في شراييني
***
ان جت عيونك في عيني والوله سلم
نظراتنا بالغلا والحب تتكلم
وايامنا من كلام الصمت تتعلم
كيف احكي بالصمت وانت بالصمت تحكيني
وياك اوقف عقارب ايامي
وانسى معك دنيتي ما دمت قدامي
يا ماخذ بالهنا والفرحه اقدامي
تفداك روحي و تفدا سنينك سنيني
الله يخليك لي تاج على راسي
يا اول اول واخر اخر احساسي
قلبك بلادي وحبك اهلي وناسي
وانت عن الناس كل الناس تعنيني