يا ابوي يا امي يابعد كل هالناس
ياقلب ينبض بالمحبه والاحساس
يامن غلاكم في حياتي حياتي
يسري في صدري مثل ترديد الانفاس
***
لو قلت لك يابوي عمري هديه
واقدمه لجلك براحه ايديا
ماظن خوفي ربع فضلك عليا
لانك عطيت الحب من غير مقياس
***
امي حنانك في عروقي ودمي
و ان شفتك انسى كل ضيقي وهمي
و ان قلت انا امي وامي وامي
تتبسم ايامي ولا احس باليآس
***
علمتيني يا بوي معنى السعاده
واهديتلي من طيب قلبك قلاده
فيك الوفا يلقى وطنه وبلاده
وانت الوطن اللي عشت له رافع الراس
***
يامي يا وجه النور والضي والخير
بايدك سنيني يا سنيني غدت غير
مهما كبرت ابقى وسط عينك صغير
وابقى بقلك غير عن كل هالناس
***
لا يحرمني الله من غلاكم ومنكم
والله يبعد ضيق الايام عنكم
بدعي عسى الرحمان دوم يحفظكم
يابهجه الدنيا وياكل الاحساس