كل عام وانت حبيبي ياضيا عيني
ياكل عام جديد يقابل سنيني
من كثر ما احسب انك قطعة مني
هنيت نفسي قبل لا انت تهنيني
كل عام وانتي حبيبة قلبي وحبي
كل عام وانتي ياقلبي اقرب الى قلبي
يا اروع هدية وهبها لدنيتي ربي
وارق واحلى جمال شافته عيني
هالعام بجمع نجوم الليل يالغالي
بكتب بها اسمك من اول حرف للتالي
وارسم بها صورة مافارقت بالي
واحبس لك اقمار ليلي بين كفيني
***
وانه لعيونك ورود الحب بنثرها
برسم بها قلبي وقلبك واصورها
بحروف اسمك بزينها واعطرها
واقول احبك كثر مانتي تحبيني
***
فديت قلبك يا اغلى حب يحيا بي
يا اقرب لعيني من جفوني واهدابي
يا اول احباب عمري واخر احبابي
يكفيني احيا العمر وياك يكفيني
***
وانا بدونك سنين العمر مابيها
ماتخيل احيا بدنيا انتي مو فيها
بانوار حبك ازينها واحليها
وامد جسر الغلا مابينك وبيني
***
غمض عيونك يا خالد بس واتمنى
نبقى لبعضنا وبالايام نتهنى
وتمنى كل عام يقبل يبتدي منا
وانا ابتدي بك محبة وانت تبديني
***
غمضت عيني وقلت الله لا يحرمني
منك ياحبي وغلاي وقطعة مني
ماتمنى لحظة تمر وتبعدك عني
يامن اشوف بعيونك اجمل سنيني