احلم ترى ماصار فيه الكفايه

العفو عند المقدرة وانت قادر

ان كان لك رغبة ومقصد وغايه

حققتها لكن بالعفو بادر

من البداية لين حتى النهايه

وافي معك ماكنت في يوم غادر

والعكس بالهجران تحسن جزايه

ومجندٍ لك في حياتي كوادر

يامنتهى درب الشقا ياشقايه

انته من انواع الشقا نوع نادر

اكسب رضا نفسك وترهن رضايه

مدري متى عنك التكبر يغادر

مدري خطاك الصبر ولا خطايه

نبا نتأكد من جميع المصادر

وان كان سميت النهاية....بدايه

يحسب غريق اللي مع السيل حادر

مايرتفع للعز..بالذل رايه

ياواردٍ للعد صاحبك صادر

برق السراب ولابريق المرايه

ارحل وجعلك بعدنا ماتكادر