بعد ثالث ثلاثه حل والوقت ليل

كل عين" من العبرة سقت خدها

ارتعش واتثبت والعباير تسيل

لقدر اقول ليه ولقدر اردها

واقف" وقفت المحتار وقت"طويل

انظر لواقعي بالعين واصدها

مقدر اهرب من الواقع على المستحيل

تقصر الرجل خطوه قبل لامدها

بين حزن الوداع وبين هم الرحيل

كل لحظه تمر بهم واعدها

حسبي الله على الفرقا ونعم الوكيل

هددتني وانا مجروح من ضدها

اشهد الجدي في مبداه واشهد سهيل

قصتي تبني الاهرام واتهدها

ماشفالي جروح ولابردلي غليل

صادت الروح روحا" بيحت سدها

كلما قلت شده قلت يمكن تزيل

وكل ماقلت راحة قلت لابدها

شرهت القلب عدل ونظرة العين ميل

اقنع النفس مير النفس ماودها

المشاعر لها بين الحنايا صهيل

والخواطر تحز النفس واتحدها

اكتب الشعر من دمي ودمي ثقيل

كل ماجيت امد القافيه شدها

اقربي يالقوافي واشربي سلسبيل

من نهورا" يذوب الذوب مع ندها

وذعني للحقيقه واشربي حنظليل

من بحورا" يساقي جزرها مدها

مايشح الكريم ولايجود البخيل

كل نفس" طبيعتها على قدها