راحتك عندي اهم من المهم

وانتي ما فكرت لحظه براحتي

اتعب وهمي اشوفك مبتسم

وانتي تتعب لما تلمح فرحتي

انتي لوحه معقده ما تنرسم

تشبه بكل المراحل دنيتي

انتي جمله مركبه ما تنفهم

سهله صعبه حيل تشبه دمعتي

مره احس انك عدو بينتقم

حلمه وغاية مراده طيحتي

مره احس انك فقير ومنعدم

يجهل ان الخير جا من غيمتي

لا تطالعني يا غالي منصدم

الصبر ما عاد يقوى ضيقتي

قصتي وياك لازم تنختم

لين متى وياك هاذي حالتي