يسعد صباحك يا صباح العيد

والله يخرب بيت عدوانك

اللي حذفوني باخر التنهيد

واللي حرموني شوفة اعيانك

ياللي غلاتك كل يوم تزيد

قلبي زرعته وسط بستانك

راعه وشوفه لا يروح بعيد

واياك يرحل خارج اوطانك

خله معاك وسوي به ما تريد

طيب وكنزه ضمة احضانك

احرص عليه وجنبه التهديد

وان شفته يرجف غطه باجفانك

لا والله اني اكره التجديد

وابيع غابه لخاطر اغصانك

لكني خايف يا صباح العيد

لا غاب عنك تحسبه خانك