على نار الصبر قلبي يذوب لشوفة عيونك

يعذبني الصبر لكن امني عيوني بالشوفه

كثيره قلوب عشاقك ولكن قلبي مجنونك

يصيح وتحضنه روحي تقول القاسيه ظروفه

تعبني ه الزمن والله وسقاني المر من دونك

بوجودك كان مايخطي وبغيابك بانت سيوفه

تخيل وش بقى فيني وانا اللي حيل مفتونك

وربي لاسمعت أسمك تطير الروح ملهوفه

عسى ماحد يجيب اسمك عساهم مايطرونك

إلا وهلت الدمعه وقلبي تصفق اكفوفه

سجين ودمعتي شكوى واعز الناس مسجونك

وجفني للوله صفحة واسمك دمعي احروفه

تمنيتك تجي وتشوف عيون مايشوفونك

عيون ساهره ابعدك عيون حيل متلوفه

وانا مالمتها عيون تبيع الشوف لعيونك

عيون ماتشوفك انت وربي ماابي شوفه