يا موتري ذب الخلا مع فيافيه

واقطع مهاميه الخلا لا تبالي

خل القراش وموقفٍ عند راعيه

في موقفٍ يرخص طوال السبالي

ماني براعي موقفٍ فيه ما فيه

يرخص به الرجال لو كان غالي

درب الشرف مفهوم وأمشيه واعطيه

مع دروب جداني وابوي وخوالي

أبوي وصاني وجدي موصيه

على الشرف وانا بوصي عيالي

عن هرج خبلٍ ما يحسّب قوافيه

لوكان ما ياصل مشرك نعالي

اللي يجيب الحكي وألا يوديه

ولا ليلةٍ غادر عشا أم العيالي

حرصٍ على المقفي يحذفه ويرميه

رماه عبرود الرصاص العجالي

هذا ومثله ويش مصلوحكن فيه

ياكا حلات عيونهن بالدلالي

يالله يغربل عشقته وين تغديه

ما فيه لا مكسب ولا راس مالي

الخبل والمسكين هذي مباديه

هزله وماصلها الضعوف الهزالي