الاياغرير مرني تالي النهار

يماري بشقرفوق متنه رجدهنه

نهوده سوات البيض تحت اللباس اصغار

ولاردهن للورع يرضع ثمرهنه

ليا اطرق بحجر العين ثم لدبالانظار

ذبحني بسهراج الهوىفي نظرهنه

بعد شب فيَه بالنظرقلت ياغفار

عسى الله يحل رواه ما اضفى هدبهنه

على محجر ماكنه الا زهر نوار

ويكحل عيون ذايب الكحل يزهنه

والا يالعيون ابكن وهلن بالاعبار

على ضامر السجوف هلن عبركنه

على واحدٍماسارفي ساير الاقطار

عديم الوصايف لابعد راح تنسنه

وانا حالفٍ ماانساه لوهوبعيدالدار

ونحني خطايه عنه وخطاه ينحنه

وانايوم شفته لمح عنداول الانشار

على معتجل واحرق بي احراقة البنه

وطيته غياب الشمس فوق النضا مرار

وعجلاًبي العيرات واقفن ماجنه

وقلت السلام وقال بالله ياخطار

عليكم عزيمه والعرب في سنعهنه

وقلت لخويي ويش عندك من الاشوار

تبانا نمر النزل والا يتعدنه

وقال العشي يمديك والدرب عنه يسار

وحنا على اللي رقرق الحزم يطونه

انافوق ريمه وانت فوق اشقر زعار

يفزن من ظل العصى ما يداننه

وعيايطاوعني لعله طعام النار

وعسى ابوه ما يعرض على بارد الجنه

وشحنا عليهن بالعصي وادبحن عبار

مشاويح واقفن عن عشيري شحوهنه

ولديت يمه قلت له والله الجبار

لودَيت هرجتكم وعندي من السنه

ولقا وراه ليادموعه على الاحجار

وصديت عنه ليادموعي كماهنه

وقلت الله اخبر يااريش العين بالاسرار

تعديتكم ماهو بحقران لكنه

ادورذهيب عنه لايذة الاخبار

هذاه الشتا وهوه غدى العام في الكنه

هذامن عنايه كل يوم وانا دوار

الا واعنايه والنضا وا عناهنه

وانا ما استريح وغاديٍ لي ثلاث ابكار

خمارا تحالافي الحلاكلهن سنه

وانابتعذر منك وانت اقبل المعذار

وعلى ما عطيتك فأنت لاتخلف الظنه