أسرجت مهرة قصيد و جيت اغني نادرات القصيد أعنّها بالحروف و شاشت المهره و خيّالها قامت تموج الهوى بنت الهوى قبن قحوم ٍ فريد = و خيّالها من سطر راسه مضرّيها على اهوالها من بطن هدلان جيت اطو الفيافي و الهقاوي تزيد لعيون حمر النواظر لابتي باهيم بجزالها عامين و عيون خلق الله تناظر بالسما من بعيد برق ٍ يفج ّ السحاب و ينهمر بالروض همالها يضوي جنوب الخليج و حالت العربان يمه شديد تدحم بعوص النضا طرح الحيا و الفال يبرى لها سلام يا ابو ظبي و الحب ينبض في خفوق و وريد يا ديرة ٍ بالعلا رفّت بيارقها من افعالها يا ام الأدب و الرجال اللي مواقفها تفك الحديد لا ثار عج ّ الوغى لبّاسة الماهود تعبى لها ! أنا سعوط الحروف اللي غناها لا يشط لمحيد متوارث ٍ ملهمات الشعر من عودي و موالها أن قالها الله لاحكم الساس وابني حيد من فوق حيد وارفع بروج البلاغة عن طماينها و منزالها الناس قالو تريد و ربنا يفعل بنا ما يريد لو النوايا هدت سلمى على الغارب تحمّى لها ! ياعرب ياعرب والأيام حُبلى واذعنو للوعيد من قبل تضني لياليها جنين السوّ باعمالها ! الجدر يطبخ و ابو قرنين من حدره يحذف الجريد وام الكباير على ريح الدسم تاتيك و اعيالها النار ياصل سناها للسما و تقول هل من مزيد ؟! و زباينتها تدق اطبولها و تزيد هُوبالها أحب سيدي عمر لا شك ما ارضى في فعايل يزيد لو تلطم اصدورها واتعقد النيّات باحبالها ! وين انت يا سيف ابو طالب علي وين انت يا ابن الوليد ضاقت علينا و عز امجادكم نبكي على أطلالها ما كان كسرى و كلب الروم تقدر تستبد و تسيد لسيوفكم تدفع الجزيه غصب و تعيش بذلالها تبون اوضح واصيغ حروفها بالمختصر و المفيد واللي عقد رووسها برموزها لا شك حلاّلها الغرب هيمن و حنا فعل ماضي عندنا لا جديد طرق السوالف على جمر الغضى و نبهّر ادلالها ! و الفرس ساس الفتن و ابا العجم بالشر راسه عنيد و نيّاتهم سو ّ بالإسلام فال الله ولا فالها يا هوه و الخارطة عكس الطريق و من رسمها يكيد على دروب أبرهه يسحب خطاويها و يشتا لها يطمس قيمنا يبينا عندهم مثل الخدم و العبيد انقبّل اكتوفها و نخاف حتى نلمس اظلالها يا أمة الضاد و اعقاب الأرانب لو تلبّد يصيد ما فكها دحلها من حوم يكبسها بمقيالها إلى متى ؟! نكتم الأفواه و نعمّر جيوب و رصيد و اهل الحيّل من حوالينا يعقد الشر حيّالها قومو مقام الزبير و سعد بن وقاص و ابو عبيد عبّاد الاصنام نكسر خشمها و نهدّ تمثالها للمجد نرفع بيارقنا و ناطا فوق راس المريد و نردد الله أكبر يا رذال الخلق و احثالها اليا اقبست نارنا بالحرب ذوبي يا جبال الجليد من قبل لا ينوي العيله نجي و ندق عيّالها ما هي بحذف الجزم ولا شعارات و هتاف و نشيد تطحن رحانا جباه الكفر و السيّات بامثالها غلفتها بالرموز و شالها وياه ساع البريد وانا اتحمّل عواقبها دقاق الهرج و اجلالها
الشاعر الكويتي بدر مفرح الظمني المطيري
من عائلة شعريه عريقه فوالده مفرح الضمني -رحمه الله-
شاعر عذب ومتمكن له تواجد في الساحه الشعريه شارك في النسخة الثالة من شاعر المليون
عمل مستشار سابق ...
