كيف اموتك جرح وحيابك جروح

كيف المك شوق ورجع انثرك

كيف اصور للجسد نزعات روح

كيف انامك ليل ورجع اسهرك

المحاجر ملها ملحٍٍ يفوح

والحنايا قوتها من سكرك

عجزت افواه السوالف لاتبوح

تلبس ايامي محاسن مظهرك

نامت عيون القصايد وين اروح

الحناجر صوتها مايعذرك

كل ماحسيت بطيافك تلوح

في شتات العمر قلت ادورك

يعني اشياءك تغني للوضوح

ياسنين الوقت كيف اصورك

الجنون يحدني اهدم صروح

واترك العالم وانام بمحجرك

وانثني في صمت اهاتي ونوح

وارتمي باحضان وقتي واشكرك

الذنوب اخوان وايامك تروح

طشها للريح من خلف اضهرك

كان موتك جرح بحيابك جروح

واجمعك في شوق ورجع انثرك