يصعب علي ان قلت لك اقدر انساه

ويصعب علي ان قلت لك ما نسيته

ويصعب علي ان قلت دايم بطرياه

ويصعب علي ان قلت لك ما طريته

غديت مثل اللي هلك له ابمضماه

زول السراب اليا لمحته نصيته

غصن ومقيض العام جفف خضر ماه

من شح وقته ينكسر لاثنيته

قلبي حذفني حذفة امقيط ورشاه

وانا بعد من كثر شوقي رميته

اليا نسيته فز قلبي وناداه

يصيح متعبني وانا ما نهيته

واليا طرالي قال فكري تناساه

وش لك بوقت قد طولك وطويته

القلب متعبنا بحبه ودعواه

عامين متلفني وانا ما عصيته

يقول حاول يمكن القلب ينساه

وأياك يوم تمر من صوب بيته

وانا بطيع القلب وامشي ابممشاه

غصبي على فكري وفتي تلتيه

وغصب على ظرفي وظرفه ودنياه

وأقول يا قلبي بلاك وبليته